اخواني واحبتي في الله

اخواني واحبتي في الله

اعتذر لكم عن عدم التدوين ولكن لانشغالي والله واعدكم بان التقيل جاااااااااااي

بس انتوا صدوا

ولا تنسوني من صالح دعاكم حفظك ربي

رمضانك

طبعا حتقول ايه السؤال الغبي دا .. رمضاني 30 يوم طبعا

مش حصدقك .. دا انت لو رمضانك بيكمل 30 يوم تبقي ولد من الاخر .. وانتي كمان لو رمضان بيوصل لــ30 يوم حتبقي في نظري ولا رابعه العدويه.

متستغربوش كدا اوي .. انتوا مالكم مزبهلين من الكلام كدا ليه ؟؟

مش هي دي الحقيقه المره ..رمضان عند الغالبيه العظمي مننا مبيكملش 30 يوم .. ولو مش مصدقني شوف بنفسك عدد اللي بيصلوا الفجر او المغرب جماعه في الجامع اللي جنب بيتكم بينقص ولا بيزيد من اول ايام رمضان .. ولا صلاة التراويح اتفرجي وشوفي مؤشر عدد المصلين في الطالع ولا في النازل ؟؟

طب سين سؤال يا تري ليه عزيميتنا بتضعف بسرعه ؟ وليه مش عارفين نستمتع بجمال رمضان الــ30 يوم كاملين؟؟ تلاقي اللي رمضانه لحد دلوقتي يومين واللي روضانها اربعه ومش عاوز اتكلم عن نفسي لأ مش عشان الاخلاص العفو . عشان خيبتي ولامؤخزه ...

شين جواب يمكن عشان احنا مكناش مستعدين لاستضافته بفتره كافيه . فأول مابدأ دخلنا السباق ( سباق الحسنات) من غير ما نسخن فحصلنا شد عضلي بعد مرور ايام منه ورحنا مسلمين نمر وقاعدين علي جنب من اول يومين

كل دا وارد ووارد برضه زي ما انا سامع حد بيقول : وارد تكون بطاريه قلوبنا فصلت شحن .. عشان ايمانا الضعيف . خبطه من الدنيا برضه وارد..

طيب ايــــــه الحــــــــــــل ؟؟!

الحل يا كل اللي حالهم من حالي ويا اللي رفعتوا الرايه البيضا بدري بدري اننا نصالح رمضان

ايوه نصالحه . عشان هو اكيد زعلان . بقي رمضان ربنا يبعته لينا ضيف كريم 30 يوم واحنا نضايفه يومين بس ونقوله مع السلامه عيب علينا والله

يللا يا جماعه نصالحه ونفتحله باب قلوبنا تاني ونقوله اتفضل ..

يللا نفتح مصاحفنا من تاني ونشد حيلنا فيها شويه

يا جماعه لو فات رمضان حتبقي الخساره كبيره اوي

قال صلي الله عليه وسلم

((خاب وخسر من ادرك رمضان ولو يغفر له)) صدق رسول الله صلي الله عليه وسلم

يللا نعوض في الايام اللي باقيه اللي فاتنا في الايام اللي عدت

عشان خير رمضان يستاهل ان احنا نتعب شويه

بس قبل ما نعمل اي حاجه

كل واحد فينا يفقل اي حاجه فاتحها دلوقتي وانتي كمان تقفلي الماسنجر دا ونقوم كلنا نتوضا حالا ونصلي ركعتين بخشوع وخضوع ونطول في السجود ونقول لربنا يارب انا عزمت وجددت نيتي من تاني اني مش حخسر رمضان السنادي وندعي ربنا يغفر لنا تقصيرنا اللي فات ويعينا علي اللي جاي

ملحوظه

انا شايف ناس شمرت ورايحه تتوضا .انا بفكرهم مش عاوزين بخل ولما تدعوا تدعولنا معاكم زي ما احنا حندعلكم معانا

يللا بقي سلام عليكووووو انا رايح الحق رمضااااااااااااان

زيارة الغربانيات

كنت عاوز احكي لكم زياره كانت جميله جدا لحد سجن الغربانيات . عشان ازور اخويا محمد ابراهيم ورافي ومؤمن

وانا طالع اصبح اركب الموصلات عشان اروح مع اهل محمد قابلت اخ من عندنا في المنطقه

قالي رايح فين يا احمد ع الصبح كدا قولتله مشوار صغير كدا لحد الغربانيات

.. قالي ليه بس كدا قولتله متخفش يعني. مش رايح اسلم نفسي انا رايح ازور اخ قالي اه انا قولت احمد حصله ايه

ام هند عشان مطولش .عليكم علي فكره ام هند دي مش ام العيال . ام العيال لسه في علم الغيب دي المهم بس انا بدلعها كنا بنقول ايه

اااااااااه

ركب معايا العربيه فقولتله والله يا استاذ مجدي انا نفسي ربنا يكرمني ويلحق بي مع اخونا هناك

قالي هناك فين قولتله اعمل عمره في مصر يعني قالي ليه يعني

قولتله هناك مفيش غير انت واخوانك وربنا ومصحفك عايز ايه تاني دي نعمه

قالي اه نعمه بس مش علي كله قولتله ازاي قالي في ناس بتتفتن يا احمد قولتله في وسط اخواني صعب اوي واكيد ربنا بيثبت يعني ام هند خلص الحوار معاه ونزل وروحت لابوه محمد البيت ولطعني ساعه ونص مستنيه وبعدين توجهنا انا ووالده ووالدته وبالمناسبه اشتريت لمحمد عيش بلدي 10 ب نص جنيه ووصلنا الي منطقه سجون برج العرب واتلطعنا برده حوالي ساعه ونص كمان عشان ندخل الزياره للسياسين دخلنا قاعة الزياره ولسه محمد واخوانه مطلعوش لينا انا وكنت مسمي محمد في الفرقه عبد الشكور.. فندهت عليه باعلي صوتي يا عبد الشكووووووووور

فرد عليا ايوه يا احمممممد انا في السجن يا احمممممممممد

فطلع لنا وبعد ماسلم علي والده ووالدته اخدني بالحضن وفضلنا نحضن بعض كتيييير وكدات تنزل الدموع بس منزلتش يمكن عشان كنا صايمين ومفيش ميه

بس بجد محمد كان واحشني جدا لاني بحبه في الله جدا ربنا يفك اسره يارب وجميع الاخوان والمظلمين

وانا قاعد مع محمد فاخدت ودنه علي بؤي وقولتله ايه يا محمد ختمت ولا لسه

عاوز اعرف بقي اللي انا بتمناه بيحصل ولا لاءه قالي اختم ايه حفظ

قولتله اه طبعا

قالي اسكت يا احمد قولتله يوه يا عمي مش عاوز رياء بقي

قالي يا احمد السجن صعب مش زي ما انت متصور واحده واحده وهو بيحكيلي علي الحياه هناك كان حيعيط

فروحت مغير الموضوع بقي فقولتله وعليت صوتي عشان ابوه يدخل معانا في الحوار .. يرضيك يا عبد الشكور اللي بيعمله ابوك معايا قالي ايه بس . يلطعني كدا تحت البيت ساعه ونص قالي ماشي فوتله دلوقتي ولما اطلعله حبقي اعاتبه بس اطلع قولتله وبعدين مرضاش يدخليني بالكاميرا اللي جيت بيها عشان اصورك كنت عاوز اخبيها في الشراب خاف عليا وقالي لاءءءءه بلااااااااااش

المهم فضل الحوار حلو وطبعا اتكلمت مع رافي كتير ومؤمن وهما الحمد لله بخير وكانت زياره طيبه

خلصت الزياره وطلعنا واحنا بره سمعناهم بينشدوا نشيد لا لا مش حنفارق

وعقبال يارب ما ازورهم في بيتهم وفي وسط اهلهم ...... اميييييييين

نسيت اقولكم حاجه يا شباب اخونكم بيوصوكم بالدعااااااااااااء لا تنسوهم

خليها علي لسانك دايما

بسم الله الرحمن الرحيم و الحمد لله رب العالمين و الصلاة والسلام على سيد الخلق و أشرف المرسلين سيدنا محمد و على آله و صحبه أفضل صلاة و أتم تسليم ,

ثم أما بعد

.و في أحد الأيام خرج الملك في رحلة صيد و كالعادة أخذ معه وزيره و خلال صيده لأحد الوحوش انقض انقض الوحش على يد الملك فقطع اصبعه و لم يستطع الاطباء علاجه فغضب الملك غضبا شديدا .فاراد وزيره أن يهون عليه

.فقال له : لعله خيرا

.فازداد الملك غضبا وهاج و قال : كيف يكون خيرا و قد قطع اصبعي ما الخير في هذا

فرد الوزير : الله أعلم أين الخير .. لعله خير .فغضب الملك من الوزير بشده فأمر بسجنه و أثناء القبض عليه و سجنه ظل يردد لعله خير فازداد منه الملك غضبا و غيظا .

و بعد مرور الايام و في أثناء رحلة صيد جديدة تاه الملك مع حاشيته في أحراش الغابات حتى أسرهم مجموعة من أحد القبائل الوثنية الذين أرادوا أن يقدمونهم كقرابين لآلهتهم فظلو يقتلوهم الواحد تلو الآخر حتى جاؤا للملك فتفحصوه فوجدوا اصبعه المقطوع فنبذوه و ابعدوه لأن به عيب فلا يصلح أن يقدم كقربان للآلهه .فعاد الملك الى مملكته و أول ما أمر به ان يحضروا له الوزير فقص له ما حدث فقال الوزير ألم أقل : لعله خير

.فرد الملك : كان هذا الخير في قطع اصبعي و لكن عند سجنك قلت ايضا لعله خير .. فما الخير في هذا .

رد الوزير : لو أني كنت معك لكنت مقتولا فليس بي اصبع مقطوع

محمد ابراهيم

حبيبي في الله../.. محمد ابراهيم

اليك اختص هذه الكلامات

(فك الله اسرك واعادك الينا سالما غانما .. امين )

الترحيب

احيكم اخواني واخواتي الزائرين بقلبي قبل حروفي

....

ولعل ان تجدوا في هذه المدونه خير استفاده
ولا تنسو ا

اني احبكم في الله